Ye baghawat ki jo tajveez mere hath main he
Log kehte hain buri cheez mere hath main he
Aaj is ishq ki aafat se nimatna he mujhe
He duaa lab pe to taveez mere hath main he
Thaam kar jis ko tahi dast rahi hon barson
Phir wo chaukhat wahi dehleez mere hath main he
Aaj kehta tha charaghon se shajar hansta hua
K hawa aaj ye mehmeez mere hath main he
Khud mera dil hi mere daam se bahir nikla
Main to samjhi thi k har cheez mere hath main he
Poetess.KOMAL JOYA
No comments:
Post a Comment