Ojhal Sahi Nigah Say, Dooba Nahi Hun Main

Ojhal Sahi Nigah Say, Dooba Nahi Hun Main,

Aye Raat Hoshiyar! K Haara Nahi Hun Main,

Mujh Ko Frishta Honay Ka Dawa Nahi Mgar,

Jitna Bura Samjhty Ho Utna Nahi Hun Main,

Is Tarah Phair Phair K Baten Na Ki jiye,

Lehjy Ka Rukh Samjhta Hun Bacha Nahi Hun Main,

Dil Ko Gawah Kar K Likha Jo B Kuch Likha,

Kaghaz Ka Pait Bharny Ko Likhta Nahi Hun Main,

Ik Harf-e-Raigaan Sahi Logo Mera Wajood,

Kaisy Kahun Kitaab Ka Hissa Nahi Hun Main,

Dar Pesh Subh-o-Sham Hai Ye Kaisi Kash'makash,

Kaisy Banu Main Us Ka K, Apna Nahi Hun Main.!