Itna toota hoon k choony sy bikhar jaoon ga.
Ab agar aor dua do gy to mar jaaoon ga.
Pooch kar mera pataa, waqt raayegaan na karo.
Main to banjaara hoon, kya jaany kidhar jaoon ga.
Har taraf dhunnd hy, jugnu hy na charaagh koi.
Kon pehchaany ga, bastii men agar jaaoon ga?
Zindagi, ! Main bhi musaafir hoon teri kashti ka.
Too jahaan mujh sy kahy gi, main utar jaoon ga.
Phool reh jaayen gy, gul'daano men yaadon ki nazar.
Main to khusbuu hoon, fizaaon men bikhar jaoon ga.
No comments:
Post a Comment