Dabi Dabi Si Woh Muskurahat
Labo’n Pay Apnay Saja Saja K
Wo Naram Lehjay Main Baat Karna
Adab Say Nazrein Jhuka Jhuka K
Woh Aankh Teri Shararti Si
Woh Zulf Mathay Pay Naachti Si
Nazar Hatay Na Aik Pall Bhi
Main Thak Gaya Hun Hata Hata K
Woh Tera Hatho'n Ki Ungliyon Ko
Mila K Zulfo'n Main Kho Sa Jana
Haya K Chehray Pay Phir Sajana
Phool Sa Chehra Khila Khila K
Woh Hath Hooron K Ghar Hon Jaisay
Woh Paaon Paryoun K Par Hon Jaisay
Nahi Hai Teri Misaal Jana
Main Thak Gaya Hoon Bata Bata K … … !
No comments:
Post a Comment