Chorr Dainey Se Na Inkaar Se Kam Hota Hai
Runj Tou Runj K Izhaar Se Kam Hota Hai
Yeh Andhera Jo Meray Charon Taraf Phaila Hai
Sirf Us Shola-E-Rukhsaar Se Kam Hota Hai
Sunni Hoti Hai Mujhe Zam Zamah Aasar-E-Awaaz
Bolna Bhi Tou Mujhe Yaar Se Kam Hota Hai
Is Liye Chorr K Sab Kaam Teri Simt Aaon
Dard Dil Ka Teray Deedaar Se Kam Hota Hai
Maal-O-Dolat Bhi Nahi Aisi Buri Shay Koi
Runj Kuch Dirham-O-Dinaar Se Kam Hota Hai
Konsi Cheez Hai Dihaat Mein Milti Nahi Jo
Narkh Bhi Shahar K Bazar Se Kam Hota Hai
Baat Karne K Liye Koi Tou Hota Hai Haneef
Khof Kuch Tou Dar-O-Diwaar Se Kam Hota Hai...!
No comments:
Post a Comment