Na Gubaar MeiN Na Gulaab MeiN Mujhe Dekhanaa
Mere Dard Kii Aab-O-Tab MeiN Mujhe Dekhanaa,
Kisii Vaqt Shaam Malaal MeiN Mujhe Sochanaa
Kabhii Apane Dil Kii Kitaab MeiN Mujhe Dekhanaa,
Kisii Dhun MeiN Tum Bhii Jo BastiyoN Ko Tyaag Do
Isii Rah-E-Khaanaa_Kharaab MeiN Mujhe Dekhanaa,
Kisii Raat Maah-O-Najuum Se Mujhe Puuchhanaa
Kabhii Apanii Chashm e Pur_aab MeiN Mujhe Dekhanaa,
Isii Dil Se Ho Kar Guzar Gaye Kaii KaaravaaN
Kii HijratoN Ke Zaab MeiN Mujhe Dekhanaa,
MaiN Na Mil SakuuN Bhii To Kyaa Huaa Ke Fasaanaa HuuN
Na_ii DaastaaN Naye Baab MeiN Mujhe Dekhanaa,
Mere Khaar Khaar Savaal MeiN Mujhe DhuuNDhanaa
Mere Giit MeiN Mere Khvaab MeiN Mujhe Dekhanaa,
Mere Aa.NsuoN Ne Bujhaaii Thii Merii Tashnagii
Isii Barg_ziidaa Sahaab MeiN Mujhe Dekhanaaa,
wohii Ik Lamhaa Diid Thaa Ke Rukaa Rahaa
Mere Roz-O-Shab Ke Hisaab MeiN Mujhe Dekhanaa,
Jo Tarap Tujhe Kisii Aaiiney MeiN Na Mil Sake
To Phir Aaiiney Ke Javaab MeiN Mujhe Dekhanaa...!
No comments:
Post a Comment