Chaman mein jb guloon ka rang laal kr dia gaya

Chaman mein jb guloon ka rang laal kr dia gaya

Usay wahan b aaina misaal kr dia gaya

.

Hawa bahut hi taiz thi, main us ki baargah tk

Khbar nahi k kis trah sanbhaal kr ''diya'' gaya?

.

Abhi to Main Thakan utaar hi raha tha, umr ki

Kahan guzaari zindagi ? sawal kr dia gaya

.

Wo aainay mein aa k aik pall ko muskra diay

Jala Dia gaya diya, kamal kr dia gaya

.

Mujhay to us ne apna khwab keh k bhoolna hi tha

Khuda ka shukr wo mera Khayaal kr dia gaya

.

Wo Titlioon k Rang daikh kr na shaakh chhorr day

Gulaab ko b saahib e Jamal kr dia gaya

.

Mujhay Kunwain mein chhorr jaanay waloon ko khabar nahi

Mera khuda se Rabta bahaal kr dia gaya

.

Prindgaa'n, na Rang o Bu, na Titliaa'n hain chaar su

Hmaray baad kia chaman ka haal kr dia gaya..?

Poet: Mumtaz Gurmani