Kabhi GumSum, kabhi Arzaan, kabhi Nayab rakhta hy,
Mujhy Mera Junoo'n Aksar bohat Betaab rakhta hy!
Ye Mumkin tha Main is Wehshat k Mosam men Bikhar jata,
Magar ik Phool sa Lehja Mujhy Shadab rakhta hy!
Ajab Uski ye Aadat hy k Aksar Meri Aankho'n mein,
Kabhi Taray Sajjata hy, Kabhi Sailaab rakhta hy!
Suna hy Hijar ki Wehshat Usy SarShaar karti hy,
Saja kar Ab bhi Aankhon mein Wo saary khwab rakhta hy!
HIJAAB Uska ye kehna hy Sadaa Tareek Raato'n mein,
Tasawar ko Mere Wo Soorat e Mahtaab rakhta hy.
No comments:
Post a Comment