Be Khudi Be-Sabab nhi Ghalib - Complete Ghazal

Be Khudi Be-Sabab nhi Ghalib

Kuch to hy jis ki parda daari hy.

Dil-o-Mizgaa'n ka jo muqadma tha.

Aaj phir us ki roobakaari hy.

Phir ussi bewafa pe marty hen.

Phir wohi zindgi hamaari hy.

Phir diya paara-e-jigar ne sawaal.

Aik fariyaad-o-aah-o-zaari hy.

Phir huye hen gawaah ishq-talab.

Ashk-baari ka hukm jaari hy.

Phir kuch ik dil ko beqaraari hy.
Seena Jooya-e-zakhm-kaari hy.

Poet: Mirza Asad ullah Khan Ghalib

Kamry Mein Hai Bikhra Hua Saaman Waghera,

Kamry Mein Hai Bikhra Hua Saaman Waghera,

Khatt, Khuwab, Kitaaben, Gul-o-Guldaan Waghera,

In Mein Se Koi Hijar Mein Emdaad Ko Aaye,

Jinn, Dev, Pari, Khizar, Ya Luqman Waghera,

Tu Aaye To Gatthri Mein Tujhe Baandh K De Don,

Dil, Jaan, Nazar, Soch, Ye Emaan Waghera,

Bs Eshq K Murshid Se Zara Khaufzada Hun,

Jheela Hai Bohat Waisy To Nuqsan Waghera...!!!

Mohabbat Se, Inaayat Se, Wafa Se, Chot Lagti Hai,

Mohabbat Se, Inaayat Se, Wafa Se, Chot Lagti Hai,

Bikhartaa Phool Hun, Mujh Ko, Hawaa Se, Chot Lagti Hai ... !

Meri Aankhon Mein, Aansu Ki Tarah, Eik Raat Aa Jaao,

Takalluf Se, Banaawat Se, Adaa Se, Chot Lagti Hai ... !!

Main Shabnam Ki, Zabaan Se, Phool Ki, Aawaz Sunta Hoon,

Ajab Ahsaas Hai, Apni Sadaa Se, Chot Lagti Hai ... !!!

Tujhe Khud, Apni Majboori Kaa, Andaaza Nahin Shaayad,

Na Kar Ahad-E-Wafa, Ahad-E-Wafa Se, Chot Lagti Hai ...~!

Badal Gaye Mere Mosam To Yaar Ab Aye

Badal Gaye Mere Mosam To Yaar Ab Aye

Ghamon ne Chaat Liya, Gham-Gusaar Ab Aye

Ye Waqt Is Tarha Rone Ka To Nahi Lekin

Main Kya Karun K Mere SoGawar Ab Aye

Wo Dhoop Dhoop Hi Mein Ho gya Basar Chup Chap

Shajar Shajar Pe Mere Barg-o-Bar Ab Aye

Wo Jin Pe Dhoka Sa Jheela Tha Hum Ne Manzil Ka

Wo Qafilay To Sar-e-RahguZar Ab Aye

Na Dailion Pe Koi Phool Hai No HonTon Par

Maza To Jab Hai K Bad-e-Bahar Ab Aye

Ab Door Hi Reh. Ya Mil Sajna

Ab Door Hi Reh. Ya Mil Sajna

Tujhay Sonp Diya Hai Dil Sajna

Ab Khushbu Har Su Phailay Gi

Ik Zakham Gaya Hai Khil Sajna

Har Raat Teray Bin Seenay Par

Hai Dhari Hui Ik Sil Sajna

Har Husan Main Waar Du Tum Par Say

Kaya Aankhain,Aariz,Til Sajna

Seenay Main Meetha Meetha Dukh'

Aankhon Main Hai Jhilmil Sajna

tujhy hee Dhondhti thien bass..

tujhy hee Dhondhti thien bass..

terey baad mar gai aankhein...!

Raah_E-Khaloos mein paida dushwariyaan na kr,

Raah_E-Khaloos mein paida dushwariyaan na kr,

Chahat nahi to  hum se adakariyaan na kar..

Lafzoon se khelny ki zroorat nahi tujhy,

saada dilon se yeh fanakriyaan na kar,,

jinn se nahi muhabat unhein mu bhi Mat Laga ,

Be_WAjah har dukaan se kharidaariyaan na kr..

iss SHughal_E-be_Jawaaz se kya faida tujhy,

dill mat dukha kisi ka dill Azaariyaan na kr..!!!!

Ay Khuda Mujh Mein Ye Barpa Kya Hy

Ay Khuda Mujh Mein Ye Barpa Kya Hy?

Be-Khudi Ka Ye Tmaasha Kya Hy?

@

Mujh Pe Ye Raaz Nahi Khul Paya

Be-Zmeeri Ka Ye Soda Kya Hy?

@

Maot Se Pehle Bataaye Koyi

Mere Honton Pe Ye Noha Kya Hy?

@

Mere Ashkon K Siwaae Akhir

Khushk-Sali Ka Mudaawa Kya Hy?

@

Ba-Khbar Kash Main Is Se Hota

Meri Taqdeer Mein Likha Kya Hy?

@

Khak Se Meri Hui Hy Tashkeel

Meri Hasti Ka Asasa Kya Hy?

@

Ishq Ki Raah-e-Junu'n Mein Sajid

Be-Sbaati Ka Sahara Kya Hy..??

Poet: Dr. K. M. Sajid

Toota Jo Ye Talism Khudaya To Main Gaya

Toota Jo Ye Talism Khudaaya, To Main Gaya

Karta Hoon Jis Ko Yaad, Wo Aaya To Main Gaya

Main Khud Sapurdgi Me Hoon Aisy Maqaam Pr

Mujh Ko Khyaal Apna B Aaya To Main Gaya

Paiwand_E_Reh'guzar Hoon, Mra Aetbaar Kr

Tu Ny Mujhy Zameen Sy Uthaaya To Main Gaya

Ubhri Jo Koi Chaap To Samjho Kih Main Nahi

Sarka Jagah Sy Apni Jo Saaya To Main Gaya

Mujh Me Nahi Hy Taab_E_Sukhan, Hairtee Hoon Main

Main Ny Kisi Ko Ye B Btaaya To Main Gaya..!!

Poet: Ahmad Hussain Mujahid

Chaar janib hy mry shehr k paani paani

Chaar janib hy mery shehr k paani paani

Kab Khuda jany kary naql mkaani paani

Doobty dekh k bewah ki shikasta diwaar

Aaj pani bhi hua sharm sy paani paani

Aik bebaak muarrikh k Qalam k manind

Mus'haf e waqt pe likhy ga kahaani paani

Waqt selaab hy, selaab guzer jata hy

Dy raha hy yahi paigham zubaani paani

Ab k darya sy bagolon ka uthy ga toofaan

Ab k ik aur hi likhy ga kahaani paani

Ghum k selaab ka rukh kis ny idhar morr dia

Kyun hui jati hy Khurshed jawaani paani...!!

Poet: Khurshed Baig Mailsvi

Kis Ne Chraagh Taq-e-Aqidat Mein Rakh Dia

Kis Ne Chraagh Taq-e-Aqidat Mein Rakh Dia

Kis Ne Meri Wafa Ko Aziyat Mein Rakh Dia""

""Aaeina Rakh Ky Mere Muqabil Sar-e-Khyaal

Mujh Ko Bhi Us Ne Ek si Herat Mein Rakh Dia""

""Main Sochta Hun Tere Siva Or Kon Tha

Is Dil Ko Jis Ne Chashm-e-Anayat Mein Rakh Dia""

""Dehshat Zda Sa Rehta Hun Main Apne Ap Mein

Is Ashqi Ne Is Trah Wehshat Mein Rakh Dia""

""Wo Jante Hein Mujh Se Khta Bhi Nahi Hui

Phir Doston Ne Q Mujhe Ibrat Mein Rakh Dia""

""Sajid" Ye Mere Shoq Ki Awaargi Hi Thi

Jis Ne Meri Hyaat Ko Tohmat Mein Rakh Dia..!!""

Poet: Dr. K. M. Sajid

Mailsi

Kinaar-e-aabju har roz jaaya karta tha

Kinaar-e-aabju har roz jaaya karta tha

Main chaand raat me picnic mnaya krta tha

Kabhi kmand-e-nazar phenkna tha shughl mera

Patang sy kabhi paichy larraaya karta tha

Tamaash-been mujhy dekhty thy herat sy

Naye naye main tmaashy dikhaya karta tha

Sr-e-zmeen-e-sukhan khama-e-tkhaiyul sy

Main harf jorr kar pekar bnaya karta tha

Main dopehr me kabhi Adsa-e-muhaddab sy

Dareeda per-han apna jalaaya karta tha

Wo kon shakhs tha jo raat k andhery me

Gali k morr pe har roz aaya karta tha

Wo din b khoob thy khurshid jab trannum sy

Mri ghazal wo mujhi ko sunaya karta tha..!!

Poet: Khurshid Baig Mailsvi

Nigar-e Ja'n Ne Sahi Hain Aziyatein Kya Kya

Nigar-e Ja'n Ne Sahi Hain Aziyatein Kya Kya/

Tray Tufail Hui Hain Nawazishein Kya Kya.

¤

Tilism-e Waqt Ne Aisay B Din Dikhaey Hain/

Keh Doorio'n Mein Hui'n Dafn Qurbatein Kya Kya.

¤

Gulo'n Ki Zaat Mein Paiwast Hai Lataafat, Gar/

To Nok-e Khaar Pe Raqsa'n Hain Wahshatein Kya Kya.

¤

Sitam K Baad Sitam Tha Hamari Qismat Mein/

Keh Khushk Sahra Pe Barsi Hain Barishein Kya Kya.

¤

Wujood Tha Keh Adam Hr Qadam Pe Saath Raha/

Zamee'n K Saath Jurri Hain Rafaaqatein Kya Kya.

¤

Kashish Se Khaak Ki Koi Nahin Mafar Saqib/

Keh Rizq-e Khaak Hui Hain Shabahatein Kya Kya.

¤

Poet:

MANZOOR SAQIB

Dard ki dunya ky ab bhi qaafley soty nai

Dard ki dunya ky ab bhi qaafley soty nai.

Hum zara sastaaien bhi to abley soty nai.

Hoti rahti hain dar o dewaar me sargoshian.

Ghar to so jata hai ghar ky mas'aley soty nai.

Ishq ki atish jala deti hai shaahon ka sakoo'n.

Phir zamaany men wo naazon ky paly soty nai.

Subh e nau ka jin ko rahta hai hamesha intezar.

Nisf shab ky ba'ad wo insa'n bhaly soty nai.

Her taraf zulm o sitam ki chal rahi hain andhya'n.

Kaanpta hai dil zamee'n ka, zalzaly soty nai.

Ik musalsal ratjagy ka nam hai dil ki lagi.

Kya kahen kyun rat bhar hum dil jaly soty nai.

Jis ko sona tha shab e hijrat wo soya kausari.

Manta hun log talwaron taly sotey nai.

Poet: Talib Kausari

Khat-e-Wahm Apny Guman My Hai khara Hua,

Khat-e-Wahm Apny Guman My Hai khara Hua,

koi Aabla Mery Dheyan My Hai khara Hua,

Hai Isi k Dam Sy Laho My Josh-o-kharosh Bhi,

Jo Fishar Sa Rag-e-Jan My Hai khara Hua,

kahan kha Sakien Isy Dastakon ki Wo Shehwatein,

Dar-e-Zabt Dil k Makan My Hai khara Hua,

So Hadaf k Dard Sy Ashna Hai Bhala To kiyun,

Ye Jo Tan k Teer kaman My Hai khara Hua,

kahen Dhoop Barf k Sang Sang Jami Hoi,

kahen Aifaz Meri Zuban My Hai khara Hua,

Ye Zamana Farda ki kokh Sy Hai Gira kahen,

Ye Jahan Agly Jahan My Hai khara Hua,

Hai Koi Khuda To Ada Ho Us k Hazoor My,

Mera Sajda Shauq-e-Hijan My Hai Khara Hua

Poet..Gul Jahan Gul

dill hijar k dard se bojhal hai

Dil hijr k dard se bojhal hai, ab aan milo to behter hai,

Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,

Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,

Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan

Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,

Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,

Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya

Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,

Ab sukh k sapne kya dekhein, jab dukh ka sooraj sar par ho…

phir se aankhon mein khwaab insha ji

Phir se ankhoon main khawab Inshaa Ji,

Ijtenaab, Ijtenaab, Ijtenaab Inshaa Ji…!!!

Dil dard ki shiddat se khoon-gashta-o-see paara,

Dil dard ki shiddat se khoon-gashta-o-see paara,

Is sheher mein phirta hai ek wehshee-o-awara,

Shayar hai ke aashiq hai, jogi hai ke banjara,

Darwaza khula rakhna,

Seene se ghata uthe, aankhon se jhari barse,

Phaagan ke nahi badal, jo chaar ghadi barse,

Barkha hai ye bhaado ki, barse to badi barse,

Darwaza khula rakhna,

Aankhon mein ek alam, aankhon mein to duniya hai,

Honthon pe magar mohrein, munh se nahi kehta hai,

Kis chiz ko kho baitha hai, kya dhundne nikla hai,

Darwaza khula rakhna,

Haan thaam mohabbat ki gar thaam sake dori,

Sajan hai, tera sajana, ab tujhse to kya chori,

Yeh jis ki manaadi hai basti mein teri gori,

Darwaza khula rakhna,

Shikwon ko utha rakhna, aankhon ko bichha rakhna,

Ek shama dareeche ke chaukhat pe jala rakhna,

Mayoos na phir jaaye, haan paas-e-wafa rakhna,

Darwaza khula rakhna darwaza khula rakhna.

Bhala gardish e Falak falak chain deti hai kisay Ansha !

Bhala gardish e Falak falak chain deti hai kisay Ansha !

Ghaneemat hai kah hum soorat yahan do chaar bethay hain

aaj to humko pagal keh lo

 Aaj to hum ko paagal keh lo, pathar phenko, tanzz kar lo,

Ishq ki baazi khel naheen hain, khelo ge to haaro ge

Hum jungle ke jogi, hum ko aik jagha araam kahan,

Hum jungle ke jogi, hum ko aik jagha araam kahan,

Aaj yahan, kal aur nagar, subah kahan to shaam kahan..

***Tumhari aankhain kehti hain hisaar-e-zaat say niklo

***Tumhari aankhain kehti hain hisaar-e-zaat say niklo,

Tamanna meri ban jao, shab-e-barbaad say niklo..

Kinara thaam lo dil ka bhula do her gila shikwa,

Kabhi sachi hansi hans do purani yaad say niklo..

Khayal-e-yaar acha hai magar jis nay wafa na ki,

Palat ker phir sada na do, dar-e-faryad say niklo..

Nahin koi muhabbat bhi, hijr rut bhi, raqabat bhi,

To yeh dharka sa kaya, kahiye, wehem ki ghaat say niklo..

Sukhanwer hum say kehta hai saja lo aankh men kuch khawab,

Dharakna dil ko sikhla do, amaawas raat say niklo..

Nahin tum ko gawara ab hamara qurb to keh do,

Hamaray karb ki chhorro, tum is gardaab say niklo..

Sar-e-maqtal jo jatay ho, na ho darmaandgi kuch bhi,

Zamana daikh tham jaye, kuch is andaaz say niklo..!

ab socha hai apni zaat mein rahin gy,,

ab socha hai apni zaat mein rahin gy ,,

bohat dekh lia Logon se shansaai kar k,,,!!!!!!!

ikk shakhs ki aankhonny tableegh he yun ki

Ikk shakhs ki aankhon ny tableegh hee yun ki........

main bina soochy MUhabbat pay imaan ly aaya...!!!

agar mujh sy bicharny ka gham nahi...

Agr mujh sy bichrny ka ghm nahi ussy to phir...

Khamoosh ratoon mein wo aksar jagtta kyunn hai??????

sakoot e lab meri baat se zyada hai....

Sakoot E lab meri baat se zyada hai,

 tera firaq teri mulaqaat se zyada hai..

 yeh Ek shikast jo humko hui mohabbat mein,

zamamny bhar ki fatuhaat se zyaada hai..

umeed Uss k aany ki  aaj kam hy magar,

merey Dil ka dard bhi kal raat se zyada hai..

main Uss sy muhabbat kr to betha hon magar,

yeh Silsila meri Oqaat se zyada hai...!!!!!!!!

dhondho gy agar

dhondhoo gay agar mulkon mulkon..

milny kay nahi nayaab hain hum...!

Maizan e Ishq

Maizaan E iSHQ mein jab baaar haa tola...

MUSKAAN e YAAR Tib e Lukqmaan se behtar nikli.......!!!!!!!!!

Chalo Ye Farz Kerty Hain

Chalo Ye Farz Kerty Hain

k

Tum Mashriq

Main Maghrib Hoon

Chalo

Ye Maan Lete Hain

Bohat Lamba

Safar Hy Ye

Magar Ye Bhi

Haqiqat Hy

Tumhari Zaat Ka Suraj

Meri Hasti main

Duubey Ga 

Aik sadma sa hua ashk jo is baar giray,

Aik sadma sa hua ashk jo is baar giray,

Ghar k aansu thay magr Bar'sar-e-bazaar giray.

Ham hi aahon se nahi haar k nachaar giray,

Aandhiyaan jab b chali hain kai Ashjaar giray.

Phir wohi khwab wo toofaan wohi 2 aawazein,

jaisy dar pehly giray baad me deevaar giray.

Jaisy nobat hi muaalij ki nahi aye koi,

jaisy rastay me hi dam torr k beemaar giray.

Sirf main ne hi tu gajray nahi bhejay us ko,

Mere aangan me b phoolon k kai haar giray.

Aik tum hi nahi phisly ho yahan aa k "ZAFAR"

Barish-e-zar me kai sahib-e-kirdaar giray.

Choti si berukhi pe shikayat ki baat hai

Choti si berukhi pe shikayat ki baat hai

aur wo bhi iss liye ke muhabbat ki baat hai,

Maine kaha ke aaye ho kitne dino ke baad

Kehne lage, huzoor ye fursat ki baat hai, 

Maine kaha ke mil ke bhi hum kyu na mil sake

Kehne lage, huzoor ye qismat ki baat hai, 

Maine kaha kyu rehte ho har baat par khafa

Kehne lage, huzoor ye qurbat ki baat hai 

Maine kaha ke deten hai dil,tum bhi laao dil

kehne lage ke, yeh to tijarat ki baat hai, 

Maine kaha kabhi hai sitam aur kabhi karam

Kehne lage ke, yeh to tabiyat ki baat hai.

Taras K Mere Bazo Uran Chor Gya..

Taras K Mere Bazo Uran Chor Gya,

Hawa K Pas Barhna Kaman Chor Gya..

Rafaqton Ka Meri Us Ko Dihan Kitna Tha,

Zameen Le Li Magr Asman Chor Gya..

Ajib Shakhs Tha Barish Ka Rang Dekh K Bhi,

Khule Dariche Pe Ek Phol Dan Chor Gya..

Jo Badlon Se Bhi Mujh Ko Chupaye Rakhta Tha,

Barhi Hai Dhop Tu Be-Saiban Chor Gya..

Nikal Gya Kahin An Dekhe Panio Ki Taraf,

Zamin K Naam Khula Bad Ban Chor Gya..

Uqab Ko Thi Gharz Fakhta Pakarne Se,

Jo Gir Gai Tu Yon Hi Neem Jan Chor Gya..

Na Jane Kon Sa Aseb Dil Me Basta Hai,

K Jo B Thehra Wo Akhir Makan Chor Gya..

Aqib Main Gehra Samandr hai samne jangle,

Kis intiha pe mera mehrban chor Gia..........

itni jaldi mrey balon mein

itni jaldi mrey baalon mein safaidi aai...

Zindagi teri yeh raftaar nahi chaiyee thi,,,,!!

Choti si berukhi pe shikayat ki baat hai

Choti si berukhi pe shikayat ki baat hai

aur wo bhi iss liye ke muhabbat ki baat hai,

Maine kaha ke aaye ho kitne dino ke baad

Kehne lage, huzoor ye fursat ki baat hai, 

Maine kaha ke mil ke bhi hum kyu na mil sake

Kehne lage, huzoor ye qismat ki baat hai, 

Maine kaha kyu rehte ho har baat par khafa

Kehne lage, huzoor ye qurbat ki baat hai 

Maine kaha ke deten hai dil,tum bhi laao dil

kehne lage ke, yeh to tijarat ki baat hai, 

Maine kaha kabhi hai sitam aur kabhi karam

Kehne lage ke, yeh to tabiyat ki baat hai.

Taras K Mere Bazo Uran Chor Gya

..

Taras K Mere Bazo Uran Chor Gya,

Hawa K Pas Barhna Kaman Chor Gya..

Rafaqton Ka Meri Us Ko Dihan Kitna Tha,

Zameen Le Li Magr Asman Chor Gya..

Ajib Shakhs Tha Barish Ka Rang Dekh K Bhi,

Khule Dariche Pe Ek Phol Dan Chor Gya..

Jo Badlon Se Bhi Mujh Ko Chupaye Rakhta Tha,

Barhi Hai Dhop Tu Be-Saiban Chor Gya..

Nikal Gya Kahin An Dekhe Panio Ki Taraf,

Zamin K Naam Khula Bad Ban Chor Gya..

Uqab Ko Thi Gharz Fakhta Pakarne Se,

Jo Gir Gai Tu Yon Hi Neem Jan Chor Gya..

Na Jane Kon Sa Aseb Dil Me Basta Hai,

K Jo B Thehra Wo Akhir Makan Chor Gya..

Aqib Main Gehra Samandr hai samne jangle,

Kis intiha pe mera mehrban chor Gia..........

chalo yeh farz karty hain..

Chalo Ye Farz Kerty Hain

k

Tum Mashriq

Main Maghrib Hoon

Chalo

Ye Maan Lete Hain

Bohat Lamba

Safar Hy Ye

Magar Ye Bhi

Haqiqat Hy

Tumhari Zaat Ka Suraj

Meri Hasti main

Duubey Ga ?

Ay Khaasa e Khaasaan e Rusul Waqt e Dua Hay

Aey Khasa e khasaan e rasul (SAW), waqt e dua he

Umaat pe teri aa k ajab waqat para he......................

Wo dee'n Jo bari shaan se nikla tha arab se

Perdais main woh aaj ghareeb ul ghuraba he............

Jis deen ky mad'oo thay kabhi Qaisar o Qisraa.

Khud aaj wo Mehmaan Saraa'e Fuqraa hay.

Wo deen, hui bazm e jahan jis se charaaghan

Ab us ki majaalis main na bati na diya he........................

Wo deen k tha shirk se aalam ka nighebaan

Ab us ka nighebaan agar he to Khuda he...........................

Jis deen ne dil aa ky thay ghairo'n ky milaaye.

Us deen men khud bhai sy ab bhai juda hay.

Jo deen ky hamdard e bani no-e-bashar tha.

Ab jang o jadal chaar taraf us men bapaa hay.

Jis deen ka tha faqr bhi akseer, ghanaa bhi.

Us deen men ab faqr hay baqi na ghanaa hay.

Jis deen ki hujjat sy sab adyaan thay maghloob.

Ab mo'taraz us deen py har har za-daraa hay.

Hay deen tera ab bhi wohi, chashma e saafi.

Dee'n-daaron men par aab hay baaqi, na Safaa hay.

Aalim hay so be-aql hay, Jaahil hay so wehshii.

Mun'imm hay so maghroor hay, Mufliss so gadaa hay.

Yaa'n raag hay din-raat, widaa'n rang shab-o-rooz.

Ye majlis e a'ayaa'n hay wo bazm-e-shurafaa hay.

Chhotto'n men ataa'at hay na shafqat hay barro'n men.

Pyaaro'n men mahabbat hay na yaaro'n men wafa hay.

Dolat hay na izzat na fazeelat na hunar hay.

Ik deen hay baaqi so wo be barg-o-nawaa hay.

Hay deen ki dolat say bahaa, ilm sy ronaq.

Be-dolat o ilm is men na ronaq na bahaa hay.

Shahid hay agar deen to ilm us ka hay zewar.

Zewar hay agar maal tou ilm us ki jilaa hay.

Jis qom men or deen men ho ilm na dolat.

Us qom ki or deen ki paani pe binaa hay.

Go, qom men teri naheen ab koi barraayi.

Par naam teri qom ka yaa'n ab bhi barra hay.

Dar hay kaheen ye naam bhi mit jaaye na akhir.

Muddat sy issay dor-e-zamaa'n meett raha hay.

Jis qasr ka tha sar-ba-falak Gunbad-e-Iqbal.

Adbaar ki ab goonj rahi us men sadaa hay.

Beirra tha na jo baad-e-mukhaalif say khabardaar.

Jo chalti hay ab chalti khilaaf us kay hawaa hay.

Wo roshni e baam-o-dar e kishwar e Islam.

Yaad aaj talak jis ki zamaany ko zia hay.

Roshan Nazar aata naheen waa'n koi charaagh aaj.

Bujhne ko hay ab gar koi bujhne sy bachaa hay.

Ishrat kady aabaad thay jis qom kay har soo.

Us qom ka aik aik ghar ab bazm e azaa hay.

Wo qom ky aafaaq men jo sar-ba-falak thi.

Wo yaad men aslaaf ki ab roo-ba-qaza hay.

Feryaad he, aey kashti e Ummat k nighebaan

Bairaa yeh tabaahi k qareeb aan laga he.........................

Kar HAQ sy dua ummat e marhoom ky haq men.

Khatron men boht jis ka jahaaz aa ky ghira hay.

Ummat men teri naik bhi hen bad bhi hen lekin.

Dildaada tera aik sy aik in men siwaa hay.

Eemaa'n jissy kehty hen aqeedy men hamaary.

Wo tairii mahabbat teri itrat ki wilaa hay.

Har chaplaqash-e-dahr-e-mukhalif men tera naam.

Hathiyaar jawaano'n ka hay, Peero'n ka asaa hay.

Jo khaak tery dar py hay jaarob sy urrti.

Wo khaak hamaary liye daaroo-e-shifa hay.

Jo shehr hua teri wilaadat sy musharraf.

Ab tak wohi Qibla teri ummat kar raha hay.

Jis mulk ne paayi teri hijrat sy sa'aadat.

Ka'aby sy kashish us ki har ik dil men siwa hay.

Kal dekhiye paish aaye ghulaamo'n ko tery kya.

Ab tak to tery naam py ik aik fida hay.

Hum naik hain ya bad hain, phir aakhir hain tumharay

Nisbat boht achi he ager haal bura he..................

Tadbeer sanbhalny ki hamaary naheen koi.

Haa'n aik dua tairii ky maqbool e KHUDA hay.

Khud jaah ky taalib hen na izzat ky khuwaahaa'n.

Par fikr tery deen ki izzat ki sadaa hay.

Gar deen ko jokho'n naheen izzat sy hamaari.

Ummat teri har haal men raazi ba-raza hay.

Chaai hui alaam pe, qiyamat ki ghata he

Badli hui duniya main zamanay ki hawa he................

Haa'n haali e gustaakh! na barh hadd-e-adab sy.

Baato'n sy tapakta teri ab saaf galaa hay.

Hay ye bhi khabar tujh ko ky hay kon mukhatib.

Yaa'n junbish-e-lab khaarij-az aahang-e-khataa hay.

Poet: Molaana Altaaf Hussain Haali

Apni Tasweer ko Ankho se Lagaata kya hy

Apni tasweer ko ankho'n se lagaata kya hy,

Ek nazar meri taraf dekh tera jaata kya hy.

Meri ruswaaii me tu bhi hai baraabar ka shareeq,

Mery qissy mery yaaro'n ko sunaata kya hy.

Paas reh kar bhi na pehchaan saka tu mujh ko,

Door se dekh ky ab haath hilaata kya hy.

Safr e shoq me kyon kampty hain paon tery,

Door se dekh ky ab haath uthaata kya hy.

Umr bhar apny girebaa'n se ulajhny waale,

Tu mujhy mery saaye se daraata kya hy.

Mar gaye pyaas ky mary to utha abr e karam,

Bujh gai bazm to ab sha'mma jalaata kya hy.

Me tera kuch bhi nhi hun magr itna to bta,

Dekh kar mujh ko tery zehn me aata kya hy.

Poet: Shehzad Ahmed

Na Ibn e Aadam Ghuyyoor Thehry

Na Ibn e Aadam Ghuyyoor Thehry,

Na Bint e Hawwaa men ab Haya hy

Jo mery andar ka ik bashar tha.

Mujhii men ghuutt ghuut ky mar gya hy

Khush Fehmiyon Ky Silsily Itny Daraaz Hen

Khush Fehmiyon Ky Silsily Itny Daraaz Hen.

Har Eeint sochti hay ky deewaar ham sy hay.

Qabza Na Haq Na Kijye Khud Par

Qabza Na Haq Na Kijye Khud Par.

Aap apnay naheen, Hamaary hen.

Sab Saleeqy Hen Mery Yaar Men Dildari Ky

Sab Saleeqy Hen Mery Yaar Men Dildari Ky.

Kesy karna hay shikayaat ko radd, jaanta hay.

Poet: Rizwan Babur

Ye Mahabbat Bhi Ek Neki Hai

Ye Mahabbat Bhi Ek Neki Hai.

Aao Dariya Men Daal aaty hen.

Ab Sma'at Hee Kahaa'n ,Shear Sunaiey'n Kaisey

Ab Sma'at Hee Kahaa'n ,Shear Sunaiey'n Kaisey.

Takhta_E_Zung Pa Hum Rung Jamaiey'n Kaisey.

Tu Gaya Hey To Tri Yaad Sey Lag Baitha Hey.

Dil Ko Hum Kaar_E_Zamana Mein Lagaiey'n Kaisey.

Dono'n Ik Shamm'ey Mahabbat To Jalaa Baithey Hain.

Sochna Yeh Hey Keh Rokeiey'n Gey Hawaaeiy'n Kaisey.

Woh To Mar Jaaey Ga Suntey Hee Badalna Taira.

Bey Wafa Yaar Bataa ! Dil Ko Bataiey'n Kaisey.

Jis Sey Bhi Baat Kareiy'n Neend Ka Aalam Boley.

Aisey Maahol Mein Soto'n Ko Jagaiey'n Kaisey.

Dil To Aasaaish_E_Dunya Sey Uthaa Patey Nahien.

Log Ab Ishq Key Aazaar Uthaaiey'n Kaisey.

Hum Ney Pairaaey Badal Kar Bhi Mahabbat Maangi.

Baat Banti Hee Nahien ,Baat Banaiey'n Kaisey.

Hum Ney To Dard_E_Mahabat Ko Bhi Khalis Rakhha.

Us Ka Gham Ley Key Trey Saamney Aaiey'n Kaisey.

Dard_E_Dil Runj_E_Zamaana Sey Allag Rakhtey Hain.

Dil Ka Darbaar Hey Dunya Mein Lagaiey'n Kaisey.

Poet: Shazad Nayyar

Dil Men Kuch Moortain Basa Lijiye

Dil Men Kuch Moortain Basa Lijiye,

Zindagi Ko Zia Bana Lijiye,

Ye Meri Jaa'n Hai Ye Mera Dil hai,

Jo Tabiat Kare Utha Lijiye,

Meri Hasti Ko Cheen Kar MujhSe,

MujhKo Nuqsan Se Bacha Lijiye,

Kuch Na Kuch To Ghatte Gi Tareeki,

Dagh Ho Ya Diya Jala Lijiye,

Hum Na Chorein Ge ApKa Daman,

Jis Qadar Zor Hai Laga Lijiye,

Ye Bhi Pyasi Hai Muskaraht Ki,

Meri Halat Pe Muskara Lijiye,

KisNe Ye Mashwara Dia Hai Tumhen?

Chaand Si Shakal Ko Chupa Lijiye,

Husn Mehman Hai Chaar Raton Ka,

Lutf Farmaiye Dua Lijiye,

Zehr Agar De Rahe Hen Yar ADDAM,

Mera Mashwara Hai Kha Lijiye.

Poet: Abdul Hameed Addam

Sitam Ko Maslehat Husn-e-Taghaful Ko Ada Kehna

Sitam Ko Maslehat, Husn-e-Taghaful Ko Adaa Kehna...

Usay ab or Kia Likhna Usse ab or Kia KehNa...?

Ye Rasm-e-Shehr -e-pursaa, bs mery hi Damm Se Qayim Hy...

K hr ik Ajnabi ko Muskuraa Kr Aashna Kehna...

Hazaaroun Haadsay Tujh Per Qayamt BaN k Tootay hain...

Tu is Pr B salaamat hY Dil-e-Khush Fahem ? Kiya Kehna...

Dil-e-be-kaif  Ko Be Talab Jee Leny Ki Aadat Hy...

Mujhy Acha Nahi Lagta Dua ko Iltajaa Kehnaa...

MerY "MOHSIN" Ye Adaab-e-Musaafat Seekhna HoN Ge...

Bhataktay Jugnuoun Ko B Safar Ka Aasra Kehna. 

Poet: Mohsin Naqvi