Wo apny ghar chala gya, afsos mat karo

Wo apny ghar chala gya, afsos mat karo.

Itna hi us ka saath tha, afsos mat karo.

Insaan apny aap men majboor hy bohat.

Koi naheen hy be-wafa, afsos mat karo.

Is baar tum ko aany men kuch deir ho gyi.

Thak haar ky wo so gya, afsos mat karo.

Duniya men or chahny waaly bhi hen boht.

Jo hona tha wo hogya, afsos mat karo.

Is zindgi ky mujh pe kayi Qarz hen magar.

Main jald loat aaoon ga, afsos mat karo.

Ye dekho phir sy aa gyi phoolon pe titliyaan.

Ik roz wo bhi aaye ga, afsos mat karo.

Wo tum sy aaj door hy, kal paas aaye ga.

Phir sy khuda milaaye ga, afsos mat karo.

Be kaar ji py boojh liye phir rhy ho tum.

Dil hy tumhaara phool sa, afsos mat karo.

Poet: Bashir Badr