Khuwab in aankho'n sy ab koi chura kar ly jaye.
Qabr ky sookhy huye phool utha kar ly jaye.
Muntazir phool men khushboo ki tarha hoon kab sy.
Koi jhonkay ki tarha aaye, urraa kar ly jaaye.
Ye bhi paani hy magar aankho'n ka aisa paani.
Jo hatheli sy rachi mehndi chhurra kar ly jaye.
Main mohabbat sy mehekta hua khat hoon mujhko.
Zindgi, apni kitaabo'n men chhupaa kr ly jaye.
Khaak insaaf hy naabeena butou'n ky aagy.
Raat thali men charaagho'n ko saja kar ly jaye.
Un sy kehna ky main paidal naheen aany waala.
Koi baadal mujhy kaandhy py bitha kar ly jaye.
Poet: Bashir Badar
No comments:
Post a Comment